ଛତିଶଗଡ଼ରେ ସୁରକ୍ଷାକର୍ମୀ ଓ ନକ୍ସଲ ମଧ୍ୟରେ ଗୁଳି ବିନିମୟରେ ଟଳିଲେ ୩୧ ନକ୍ସଲ । ଆଜି ଦିନ ୧ ଟା ସମୟରେ ନାରାୟଣପୁର ଓ ଦନ୍ତେୱାଡା ସୀମାର ଅବୁଝାମାଡର ଥୁଲଥୁଲି ଓ ତେନ୍ଦୁର ଗାଁ ମଝିରେ ଏହି ଏନକାଉଣ୍ଟର ହୋଇଛି । ଏନେଇ ସୂଚନା ଦେଇଛନ୍ତି ଦନ୍ତେୱାଡା ଏସପି ଗୌରବ ରାୟ ।
ଏନକାଉଣ୍ଟର ରେ ମୃତ୍ୟୁବରଣ କରିଥିବା ସମସ୍ତ ନକ୍ସଲଙ୍କ ମୃତଦେହକୁ ଜବତ କରିଛି ପୋଲିସ । ଏନକାଉଣ୍ଟରରେ ଟଳିଥିବା ୩୧ ନକ୍ସଲଙ୍କ ମଧ୍ୟରୁ ମୋଷ୍ଟୱାଣ୍ଟେଡ କମଳେଶ ବି ଅଛି । ଯାହା ଉପରେ ସରକାର ୮ ଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରିଥିଲେ ।
ଏନକାଉଣ୍ଟର ପରେ ଘଟଣାସ୍ଥଳରୁ ବିପୁଳ ପରିମାଣରେ ଅସ୍ତ୍ରଶସ୍ତ୍ର ଜବତ ହୋଇଛି । ସେଥିରେ AK-47 ବନ୍ଧୁକ ଓ SLR ମଧ୍ୟ ଜବତ କରିଛନ୍ତି ସୁରକ୍ଷାକର୍ମୀ । ଜଙ୍ଗଲରେ ଅଧିକ ସର୍ଚ୍ଚ ଅପରେସନ ଜାରି ରହିଛି ।
