ଆଜି ( ଅକ୍ଟୋବର ୫ ତାରିଖ ) ବାରକୋଟ ବ୍ଲକ୍ ତିଳେଇମାଳ କ୍ଲଷ୍ଟରରେ କ୍ଲଷ୍ଟର ସ୍ତରୀୟ ସୁରଭି ପ୍ରତିଯୋଗିତା ‐୨୦୨୪ ଅନୁଷ୍ଠିତ ହୋଇଯାଇଛି |
ସଭାପତି କ୍ଷୀରୋଦ ବିହାରୀ ସାହୁଙ୍କ ଅଧ୍ୟକ୍ଷତାରେ କାର୍ଯ୍ଯକ୍ରମରେ ମୁଖ୍ୟ ଅତିଥି ଭାବରେ ସୁରେଶ ଚନ୍ଦ୍ର ପ୍ରଧାନ ପ୍ରଧାନଶିକ୍ଷକ ପୁରୁକୁଣ୍ଡା ନୋଡ଼ାଲ ଉଚ୍ଚ ପ୍ରାଥମିକ ବିଦ୍ୟାଳୟ ଯୋଗ ଦେଇଥିବା ବେଳେ ମୁଖ୍ୟବକ୍ତା ପୂର୍ଣ୍ଣଚନ୍ଦ୍ର ସ୍ବାଇଁ ଓ ସମ୍ମାନିତ ଅତିଥି ବିନୋଦ ବିହାରୀ ନାୟକ ଯୋଗଦେଇ ସୁରଭି କାର୍ଯ୍ଯକ୍ରମରେ ଛାତ୍ରଛାତ୍ରୀ ମାନଙ୍କର ପ୍ରତିଭାର ଅନ୍ବେଷଣ ଓ ବିକାଶ ଉପରେ ବକ୍ତବ୍ଯ ରଖିଥିଲେ | ତିଳେଇମାଳ କ୍ଲଷ୍ଟରର ୧୧ ଟି ବିଦ୍ୟାଳୟରୁ ଜୁନିୟର ଓ ସିନିୟର ବିଭାଗରେ ମୋଟ ୯୦ ଜଣ ଛାତ୍ରଛାତ୍ରୀ ଯୋଗ ଦେଇ ୨୧ ଟି ବିଭାଗରେ ଅଂଶଗ୍ରହଣ କରିଥିଲେ | ସୁରଭିରେ ପ୍ରବନ୍ଧ,ବକ୍ତୃତା, ଇଲୋକୁସନ , ଚିତ୍ରାଙ୍କନ , କୁଇଜ୍ ,ଶ୍ରୁତଲିଖନ,ନୃତ୍ୟ ଅଭିନୟ ଇତ୍ୟାଦି ପ୍ରତିଯୋଗିତା କରାଯାଇଥିଲା | ସୁରଭି କାର୍ଯ୍ଯକ୍ରମର ପରିକଳ୍ପନା , ପରିଚାଳନା ଓ ସଂଯୋଜନା କରିଥିଲେ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ନିରଞ୍ଜନ ସାହୁ | ଛାତ୍ରଛାତ୍ରୀ ମାନେ ବିଷୟଭିତ୍ତିକ ବିଭିନ୍ନ ରଙ୍ଗାରଙ୍ଗ ନୃତ୍ଯାଭିନୟ ପରିବେଷଣ କରିଥିଲେ | କ୍ଲଷ୍ଟର ସ୍ତରୀୟ କାର୍ଯ୍ଯକ୍ରମରେ କୃତୀତ୍ବ ହାସଲ କରିଥିବା ଛାତ୍ରଛାତ୍ରୀମାନେ ବାରକୋଟ ବ୍ଲକ୍ ସ୍ତରୀୟ ସୁରଭି କାର୍ଯ୍ଯକ୍ରମରେ ଯୋଗଦେବାର ସ୍ଥିର କରାଯାଇଛି | ପୁରସ୍କାର ବିତରଣୀ କାର୍ଯ୍ଯକ୍ରମକୁ ପରିଚାଳନା କରିଥିଲେ ଡିଲେଶ୍ବର ନାଏକ | ମୁଖ୍ଯଅତିଥି ସମସ୍ତ କୃତୀ ପ୍ରତିଯୋଗୀମାନଙ୍କୁ ପୁରସ୍କାର ସହ ଅଂଶଗ୍ରହଣ ପ୍ରମାଣପତ୍ର ପ୍ରଦାନ କରି ପୁରସ୍କୃତ କରିଥିଲେ |
