ଆଜି ୨୪ ତାରିଖ ଦେବଗଡ ବିଜୁ ପଟ୍ଟନାୟକ ପ୍ରେକ୍ଷାଲୟ ଠାରେ ଜିଲ୍ଲାସ୍ତରୀୟ ପଞ୍ଚାୟତିରାଜ ଦିବସ ୨୦୨୫ ପାଳିତ ହୋଇଯାଇଛି ।
ଏହି ଦିବସରେ ମୁଖ୍ୟ ଆତିଥି ଭାବେ ଜିଲ୍ଲାପାଳ କବିନ୍ଦ୍ର କୁମାର ସାହୁ ଯୋଗ ଦେଇଥିବା ବେଳେ, ବରଣ୍ୟ ଅତିଥି ଭାବେ ସମ୍ବଲପୁର ସାଂସଦଙ୍କ ପ୍ରତିନିଧି ଯୋଗେଶ ଚନ୍ଦ୍ର ପ୍ରଧାନ ଭାରପ୍ରାପ୍ତ ପୌର ପରିଷଦ ଅଧକ୍ଷ ପ୍ରଜିତ କୁମାର ଭୋଜ, ତିଳେଇବଣି ବ୍ଲକ ଅଧ୍ୟକ୍ଷା ବୃନ୍ଦାବତୀ ଭୋଇ,ଉପାଧ୍ୟକ୍ଷା ଆରତୀ ପ୍ରଧାନ ଜିଲ୍ଲା ପରିଷଦ ସଭ୍ୟ ତିଳେଇବଣି ରାଜେଶ ମହାନାୟକ ଜିଲ୍ଲା ପରିଷଦ ସଭ୍ୟ ରିଆମାଳ ବାସନ୍ତୀ ବେହେରା ଭାରପ୍ରାପ୍ତ ମୁଖ୍ୟ ଉନ୍ନୟନ ତଥା କାର୍ଯ୍ୟ ନିର୍ବାହୀ ଅଧିକାରୀ ଜିଲ୍ଲା ପରିଷଦ ତଥା ଉପ ଜିଲ୍ଲାପାଳ ପରୀକ୍ଷିତ ସାହୁ ଯୋଗଦେଇ ଥିଲେ ।
ଭାରତର ଗଣତାନ୍ତ୍ରିକ ଢାଞ୍ଚାରେ ପଞ୍ଚାୟତିରାଜ ବ୍ୟବସ୍ଥାର ଗୁରୁତ୍ୱକୁ ସ୍ୱୀକାର କରିବା ପାଇଁ ପ୍ରତିବର୍ଷ ଏପ୍ରିଲ ୨୪ ତାରିଖରେ ଜାତୀୟ ପଞ୍ଚାୟତିରାଜ ଦିବସ ପାଳନ କରାଯାଏ। ଏହି ଐତିହାସିକ ସଂଶୋଧନ ଫଳରେ ସାରା ଦେଶରେ ତ୍ରିସ୍ତରୀୟ ପଞ୍ଚାୟତିରାଜ ବ୍ୟବସ୍ଥା ଗ୍ରହଣ କରାଯାଇଥିଲା, ଯାହା ସ୍ଥାନୀୟ ସ୍ୱାୟତ୍ତ ଶାସନକୁ ସଶକ୍ତ କରିଥିଲା ଏବଂ ତୃଣମୂଳ ଗଣତନ୍ତ୍ରକୁ ସୁଦୃଢ଼ କରିଥିଲା। ଶାସନକୁ ତୃଣମୂଳ ସ୍ତରକୁ ଆଣିବା, ଗ୍ରାମ ବିକାଶକୁ ପ୍ରୋତ୍ସାହିତ କରିବା ଏବଂ ଗ୍ରାମୀଣ ନାଗରିକଙ୍କ ସକ୍ରିୟ ଅଂଶଗ୍ରହଣକୁ ପ୍ରୋତ୍ସାହିତ କରିବାରେ ଏହି ବ୍ୟବସ୍ଥା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଏକ ଦେଶର ବିକାଶ ତଥା ରାଜ୍ୟର ବିକାଶ ଏହାର ପଞ୍ଚାୟତର ବିକାଶ ଉପରେ ନିର୍ଭର କରିଥାଏ । ସ୍ଥାନୀୟ ପି.ଆର.ଆଇ ସଦସ୍ୟମାନେ ତୃଣମୂଳ ସ୍ତରରୁ ପଞ୍ଚାୟତର ବିକାଶ ନିମନ୍ତେ କାମ କରିପାରିବେ ଯାହା କି ପଞ୍ଚାୟତିରାଜ ବ୍ୟବସ୍ଥାକୁ ସୁଦୃଢ କରିପାରିବ । ଏହା ହିଁ ହେଉଛି ପଞ୍ଚାୟତିରାଜ ଦିବସ ପାଳନ ର ମୁଖ୍ୟ ଉଦ୍ଦେଶ୍ୟ ବୋଲି ବକ୍ତାମାନେ ମତବ୍ୟକ୍ତ କରିଥିଲେ । ପଞ୍ଚାୟତିରାଜ ବ୍ୟବସ୍ଥା ର ସୁଦୃଢ଼ୀକରଣ ନିମନ୍ତେ ଅନେକ ଗୁଡ଼ିଏ ବ୍ୟବସ୍ଥା କରାଯାଇଛି ଯେପରି କେନ୍ଦ୍ର ସ୍ତରୀୟ ପାଣ୍ଠି ତଥା ରାଜ୍ୟସ୍ତରୀୟ ପାଣ୍ଠି ଆଦିର ବ୍ୟବସ୍ଥା କରାଯାଇଛି। ଗୋଟିଏ ଦେଶର ମେରୁଦଣ୍ଡ ହେଉଛି ଗାଁ । ଗାଁ ର ବିକାଶ ହେଲେ ଦେଶର ବିକାଶ ହେବ । ସେଥିପାଇଁ ଜାତୀୟ ପଞ୍ଚାୟତିରାଜ ଦିବସ ରେ ରାଜ୍ୟ ସରକାର ଙ୍କ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ପକ୍ଷ ରୁ ବିକଶିତ ଗାଁ ବିକଶିତ ଓଡିଶା ଯୋଜନା ପ୍ରଣୟନ କରାଯାଇଛି, ଯାହା ୫ ବର୍ଷ ପର୍ଯ୍ୟନ୍ତ କାର୍ଯ୍ୟକାରୀ ହେବ ।
ଏହି ପଞ୍ଚାୟତିରାଜ ଦିବସ ଅବସରରେ ନୂତନ ରାସରାସନ୍ କାର୍ଡ ୧୦ ଜଣ ହିତାଧିକାରୀଙ୍କୁ ବଣ୍ଟନ କରାଯାଇଥିଲା । ପ୍ରଧାନମନ୍ତ୍ରୀ ସୂର୍ଯ୍ୟଘର ଯୋଜନାରେ ୫ ଜଣଙ୍କୁ ମାନପତ୍ର ପ୍ରଦାନ ଓ ପ୍ରଧାନମନ୍ତ୍ରୀ ଜନମନ ଯୋଜନାରେ ୫ ଜଣଙ୍କୁ ଗୁରୁସଙ୍ଗ ଗ୍ରାମ ପଞ୍ଚାୟତର ଵାଣିଶ୍ୱର ପ୍ରଧାନ, ମାକରି ନାୟକ, କିସାନୀ ମନ୍ତ୍ରୀ, ସର ପ୍ରଧାନ, କୁମୁଦୁନି ନାୟକଙ୍କୁ ୪୦, ୦୦୦ ଟଙ୍କା ଅର୍ଥରାଶି ପ୍ରଦାନ କରାଯାଇଛି l ଖିଲେଇ ଗ୍ରାମପଞ୍ଚାୟତକୁ ଆର୍ଥିକ ବର୍ଷ ୨୦୨୩-୨୪ ରେ ପଞ୍ଚଯାତର ନିଜସ୍ୱ ପାଣ୍ଠିରେ ଶତକଡା ୧୦୬ ପ୍ରତିଶତ ବୃଦ୍ଧି କରିବା ସହ ପଞ୍ଚମ ରାଜ୍ୟ ଅର୍ଥ କମିଶନରେ ମିଳିଥିବା ପାଣ୍ଠି ର ବିନିଯୋଗରେ ଉନ୍ନତ ପ୍ରଦର୍ଶନ ପାଇଁ ରାଜ୍ୟ ସରକାରଙ୍କ ପକ୍ଷ ତରଫରୁ ୫୭୯୭୧୦ ଅର୍ଥରାଶି ପ୍ରଦାନ, ଲୁଲଙ୍ଗ ଗ୍ରାମ ପଞ୍ଚାୟତ ଆର୍ଥିକ ବର୍ଷ ୨୦୨୩-୨୪ ରେ ପଞ୍ଚାୟତ ର ନିଜସ୍ବ ପାଣ୍ଠି ରେ ଶତକଡା ୩୬ ପ୍ରତିଶତ ବୃଦ୍ଧି କରିବା ସହ ପଞ୍ଚମ ରାଜ୍ୟ ଅର୍ଥ କମିଶନରେ ମିଳିଥିବା ପାଣ୍ଠିର ବିନିଯୋଗରେ ଉନ୍ନତ ପ୍ରଦର୍ଶନ ପାଇଁ ରାଜ୍ୟ ସରକାରଙ୍କ ତରଫ ରୁ ୩୮୬୪୭୩ (ତିନି ଲକ୍ଷ ଛୟାଅସି ହଜାର ଚାରି ସହ ତେସତୁରି) ଟଙ୍କା ପ୍ରୋତ୍ସାହନ ରାଶି ପ୍ରଦାନ, ତାରଙ୍ଗ ଗ୍ରାମ ପଞ୍ଚାୟତ ଆର୍ଥିକ ବର୍ଷ ୨୦୨୩-୨୪ ରେ ପଞ୍ଚାୟତ ର ନିଜସ୍ବ ପାଣ୍ଠି ଶତକଡା ୩୨ ପ୍ରତିଶତ ବୃଦ୍ଧି କରିବା ସହ ପଞ୍ଚମ ରାଜ୍ୟ ଅର୍ଥ କମିଶନରେ ମିଳିଥିବା ପାଣ୍ଠି ବିନିଯୋଗରେ ଉନ୍ନତ ପ୍ରଦର୍ଶନ ପାଇଁ ରାଜ୍ୟ ସରକାରଙ୍କ ତରଫ ରୁ ୩୮୬୪୭୩ (ତିନି ଲକ୍ଷ ଛୟାଅସି ହଜାର ଚାରି ସହ ତେସତୁରି) ଟଙ୍କା ପ୍ରୋତ୍ସାହନ ରାଶି ପ୍ରଦାନ କରାଯାଉଛି।
ସେହିପରି ୨୦୨୪ -୨୫ ଆର୍ଥିକ ବର୍ଷ ରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନାରେ ତିଳେଇବଣି ପଞ୍ଚୟତ ସମିତି ର ତାଳକୁଣ୍ଡି ଗ୍ରାମ ପଞ୍ଚାୟତ ଧାର୍ଯ୍ୟ ଲକ୍ଷ ଠାରୁ ଅଧିକ ଶ୍ରମ ଦିବସ ସୃଷ୍ଟି କରିବା ଦିଗରେ ଉଲେଖନୀୟ ସଫଳତା ହାସଲ କରିଥିବାରୁ ପୁରସ୍କୃତ କରାଗଲା l ୨୦୨୪ -୨୫ ଆର୍ଥିକ ବର୍ଷ ରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ରେ ରିଆମାଳ ପଞ୍ଚାୟତ ସମିତି ର କଣ୍ଟାବାହାଳ ଗ୍ରାମ ପଞ୍ଚାଯତ ଅଧିକ ସଂଖ୍ୟକ ପରିବାର କୁ ୧୦୦ ଦିନ ର କାର୍ଯ ଦିବସ ଯୋଗେଇବାରେ ଉଲେଖନୀୟ ସଫଳତା ହାସଲ କରିଥିବାରୁ ପୁରସ୍କୃତ କରାଗଲା l ଆର୍ଥିକ ବର୍ଷ ୨୦୨୪-୨୦୨୫ ରେ ଗ୍ରାମୀଣ ଗୃହ ନିର୍ମାଣ ଯୋଜନା ର ଧାର୍ଯ୍ୟ ଲକ୍ଷ୍ୟ ପୂରଣରେ ଉଲ୍ଲେଖନୀୟ ସଫଳତା ହାସଲ କରିଥିବାରୁ ଏହି ପ୍ରସଂଶା ପତ୍ର ପ୍ରଦାନ କରାଯାଉଅଛି।ଆର୍ଥିକ ବର୍ଷ ୨୦୨୪-୨୦୨୫ ରେ ପ୍ରଧାନମନ୍ତ୍ରୀ ଜନଜାତି ଆଦିବାସୀ ନ୍ୟାୟ ମହା ଅଭିଯାନ (ପି.ଏମ.ଜନମନ) ଯୋଜନା ଅନ୍ତର୍ଗତ ଗୃହ ନିର୍ମାଣ ଧାର୍ଯ୍ୟ ଲକ୍ଷ୍ୟ ପୁରଣରେ ଉଲ୍ଲେଖନୀୟ ସଫଳତା ହାସଲ କରିଥିବାରୁ ଏହି ପ୍ରସଂଶା ପତ୍ର ପ୍ରଦାନ କରାଯାଉଅଛି। ସ୍ୱଚ୍ଛ ଭାରତ ମିଶନ ରିଆମାଳ ବ୍ଲକର ନାଉଲିପାଡା ଗ୍ରାମପଞ୍ଚାୟତକୁ ଶ୍ରେଷ୍ଠ ଗ୍ରାମପଞ୍ଚାୟତ ହିସାବରେ ସମ୍ମାନିତ କରାଯାଇଥିଲା l
ଏହି କାର୍ଯ୍ୟକ୍ରମରେ ବହୁସଂଖ୍ୟାରେ ମହିଳା ସ୍ୱୟଂ ସହାୟତ ଗୋଷ୍ଠୀ, ସ୍ଥାନୀୟ ଜନସାଧାରଣ ଓ ବୁଦ୍ଧିଜୀବି ଉପସ୍ଥିତ ଥିଲେ l
